不簡單的祝福：簡單就是好

時光總是如飛的，結婚不經不覺已有16年，去了幾年澳門慶祝週年紀念日，今年來個簡單一些的活動，上午在薄扶林水塘放狗，下午則入愉景灣在沙灘看黃昏，在日本餐廳食個簡單晚飯就算。

在愉景灣的沙灘上第一次見到人行婚禮，感到很新奇。真的有些大鄉里感覺。在外國電影上就看過很多不同場景的婚禮，沙灘、池邊、樹林、城堡………仲有神奇四俠的天台婚禮。通常這些婚禮都是收唔到尾的，去到一半就會有槍手、壞人之類來攪破壞，有時甚至出動直升機、潛水艇添…，等了好久，婚禮都好正常，老婆都有D奇怪我做乜成日望住人地個婚禮。



老婆就較留意我們前面在沙灘執貝殼的幾位外國小女孩，幼稚園女孩執貝殼圖固然可以用來做Poster，配合黃昏的氣氛，純真之中帶寧靜安舒……。

不過，Anita最羨慕的是那個手挽百佳袋的父親，他步入沙灘找他的女兒返屋企。老婆大致意思係咁話：爸爸去百佳，放個女在沙灘玩，一家人一齊開開心心返屋企，生活簡單而開心………



我答老婆話：這種生活其實不簡單的，我現在接觸到的客人有幾多個能星期六下午唔洗返工？香港有60多萬家庭月入一萬元以下，裡面又有幾多人有機會和女兒去沙灘？我們實在要感恩的，簡簡單單本身已經係一種上帝的祝福。

正如老婆話齋，我們一家沒病沒痛，生活不太差，我們就應該要感恩。

【簡單的生活】本身就是一個不簡單的祝福！