知識換取財富

今日在日東酒店聽了兩個講座，早上是一位美國來的律師，現任AE Bank的高層，他講環球理財實務，內容由設立離岸公司，建立信託基金，到美國稅制，香港的移民家庭如何唔洗 double 付稅等，內容實在太多且硬，更涉及大量專業名詞，我盡力去記，唔明都要硬塞入腦，因為這些東西一向是我的盲點，我不想聽漏一句。

下午吃飯時見到 Leo (Dido) ，他話這兩個 talk原價是八百多元一位的。我給他嚇了一跳，唔係掛，早上三個鐘講幾句，二百幾人每人要科四百？！那下午的台灣會計師策講講台灣稅法，我真係要更加留神才對得住自己………

可惜下午這位台灣女士全程用國語，而且仲係機關槍式不停發射，快到似諗急口令一般，我只能捉到八成，真係有一些蝕左比佢的感覺。

正如講者所講，專業是唔可以靠吹的！識就係識，唔識就係唔識，稅法定左係咁就係咁，不是理論，不是意見，而係fact，而他們的專業就係他們幫到客戶的保證。而我，我就覺得，他們沒有講的，他們的知識，其實就係他們收入的保證！

在這個知識爆炸的年代，以前所謂的一技傍身，現在應改為一專業傍身吧。下一代的世界走得好快，我若要 Holmes 和 Ruby 在未來的競爭環境有優勢，我想，應該再加強多些給他們對知識渴求的興趣吧。