達文西密碼令人失望

今日去看達文西密碼，看完後覺得有些失望，原先以為應該值得入戲院看，但事後認為看VCD就夠，仲係唔值得翻看那隻。片商小本製作，最貴相信是湯漢斯的片酬，今次善用宣傳大收，片商實發死。

湯漢斯男主角被屈殺人，一路被通輯，一路找線索破案的橋段本來就不新鮮。但導演拍得全不緊張，成套戲無飛車追逐，無爆炸場面，打鬥槍戰場面只在片末捉兇手時出現了分幾鐘，女主角由頭到尾都係一套衫，無和男主角Kiss或任何感情火花，平淡的劇情做足2:30 hrs。

套戲唯一主題就係講耶穌有後代，基本係洋版【尋秦記】，基於部份歷史再無限老作，男主角話秦始皇係佢扶立的，項羽係佢契仔，現在湯漢斯話邊個邊個係耶穌後代，結局情況和尋秦記是一樣的。內容多處講不通，但片商大吹傳媒話教會反對，引傳媒討論真偽，引導我的好奇心，結果我就上釣入左戲院，其實真係看VCD就足夠。

除了不值外，還有兩個感受。第一係教會史是我的盲點，作者講的歷史部份講到似層層，唔知有幾多年份係真？第二係基督教胸襟夠寬闊，作者若果換左寫回教阿拉，肯定被人下追殺令。